Instant Friend

-

Pakiramdam ko, may mali. Pakiramdam ko, ang bilis ng lahat. Pero baka feeler lang ako. Talaga lang sigurong mahilig akong magduda sa mga bagong taong dumadating sa buhay ko.

Dati-rati, hindi naman tayo ganito ka-close. Dati, isa ka lang sa mga kakilala ko. Isa ka lang sa mga schoolmates ko. Isa ka lang sa mga nasasalubong ko sa corridor. Pero bakit dahil lang sa isang pagkakataon, biglang parang may nagbago. Parang may naglevel-up. Kung dati, nagbabatian lang tayo kapag nagkakasalubong, ngayon, ang tagal nating mag-usap magkasama man tayo o hindi. Kung dati, nagkikita lang tayo dahil nagkataong imbitado tayo sa iisang event, ngayon, nagkakayayaan tayong gawin ang mga normal na bagay kahit walang event.  Kumbaga dati, nagkakausap at nagkikita lang tayo dahil sa kone-koneksyon sa ibang tao. Ngayon, nagkikita at nag-uusap tayo nang tayo lang.

Hindi ko alam kung ba’t ganon. Siguro dahil nag-eenjoy lang tayo na pareho tayong bago sa isa’t isa. Siguro dahil pareho lang tayong walang magawa (kahit na meron naman talaga). Siguro dahil pareho lang nating kailangan ng detox.

Hindi ko alam kung anong iniisip mo tungkol sa samahang to o kung iniisip mo nga ba to. Basta iniisip ko na nagkataon lang na nagtutugma para sa atin ang mga pagkakataon sa ngayon.  Alam kong walang kung anumang malalim na nangyayari sa atin at walang dapat ipag-alala pero hindi ko rin maiwasang magtaka kung bakit ganito tayo ngayon. Siguro naninibago lang ako. 

 Sa nagbabasa nito, ayokong isipin mo na may “something”. Wala akong iniexpect dito. Masaya lang ako na nabigyan ako ng tsansang mas makilala ang taong to. Hindi ko kasi to inaasahan. Masaya ako na nadagdagan ang mga kaibigan ko at natanggal siya sa listahan ng mga kakilala ko lang. 



Comments

Post a Comment

Popular posts from this blog

After exam feels

-
Image
Sa ilang taon kong naging estudyante, ang dami ko nang exams na pinagdaanan. Ang dami ko nang exams na pinerfect (haha weh? syempre joke lang to), ipinasa at ibinagsak. Wala akong pakialam sa kung ilan ba ang nagkaroon ng aling resulta. Ang punto ko ngayon e kahit ang dami ko nang sinagutan at iniwang blangkong exam, ganon pa rin ang pakiramdam. Ganon pa rin ang pakiramdam ng naghihintay ng resulta – laging walang kasiguraduhan. Simulan natin to sa panahon bago mag-exam. Paano ba ako maghanda para sa exam? Depende rin kasi sa kung anong exam. Depende sa kung gamay ko na ba iyong topic o iyong subject. Kumbaga, kung nahihirapan ako, mag-aaral ako nang todo. Kung nadadalian ako, magrereview na lang ako nang kaunti. Paano ko ba nasasabi kung mahirap? Unang una, kung kahit anong pilit ng intindi ko sa kanya, nalilito ako. Komplikado. Meron din namang komplikado na nga, sobrang haba pa. Pwede ring komplikado, mahaba at halos memorization. Paano ako mag-aral nang todo? Syempre, ...
Read more

That 15 Minutes

-
Image
I find it hard to work when I’m at the peak of my emotions. That is why I allotted time to publish this entry and release how happy I am right now. One of the best things I learned in college is teamwork. I admit, in high school and even in my earlier years in college, I felt that I was most efficient working alone. I preferred doing things my way in my time. I did not want control and I did not care about how others will do what. However, college life exposed me enough to reality: No man is an island. In our college, we are trained to work as and with a team. I did not like having to deal with different personalities but certain people from my batch taught me how to be a team player. I experienced how they treat each one of us as equals. They showed that no contribution is considered less than another. They considered every effort from the batch significant. They did their part for the batch. They gave their all. They did this even in our earlier years unlike me, w...
Read more

Para kay Mr. NJ

-
Tulad ng dati, papers night ko ulit kagabi dahil wala akong nagawa buong araw noong isang araw. Buti na lang nakayanan kong maging gising magdamag dahil iyon din ang huling gabi ng isa sa mga kaibigan ko sa Pilipinas bago lumuwas ang pamilya nila papuntang America. Okay na rin sa akin na nagkaroon pa 'ko ng ilang oras para makakulitan or makaasaran siya. Hindi buong batch namin ng high school e nagkaroon ng ganoong pagkakataon. Hindi naman kami sobrang sobrang sobrang close pero apektado akong umalis siya. Sa totoo lang, naiyak pa’ko noong mga huling oras na kausap ko sya. At least, napatunayan kong hindi lang paghihiwa ng sibuyas ang makakapagpaiyak sa akin (see Nagbalat lang ako ng sibuyas... ) Masasabi kong hindi kami sobrang sobrang sobrang close kasi hindi naman kami masyadong nagkakausap nang seryoso kaya hindi ko rin alam kung ano ang tumatakbo sa isip nya tungkol sa mga bagay-bagay pero masasabi kong close kami kasi mas madalas naman kaming hindi nagkakasundo (o pabirong...
Read more